اسلام آباد(نیوز ڈیسک) سعودی عرب کے معروف سوشل میڈیا انفلوئنسرابو مرضع ٹریفک حادثے میں جاں بحق ہوگئے۔ سعودی میڈیا کے مطابق سوشل میڈیا کانٹینٹ کری ایٹر عبداللہ بن مرضع العتیف القحطانی المعروف ابو مرضع ریاض کے شمالی علاقے ہیل کی مرکزی شاہراہ پر گامزن تھے۔
ان کے ساتھ گاڑی میں ان کے کزن اور ایک دوست بھی سوار تھے،جبہ روڈ پر ان کی گاڑی ایک کنسٹرکشن کمپنی کی روڈ مینٹیننس مشین سے ٹکرا گئی۔ حادثہ اتنا شدید تھا کہ گاڑی کا اگلا حصہ مکمل طور پر تباہ ہوگیا جس کے نتیجے میں ابو مرضع کی موقع پر ہی موت واقع ہوگئی ۔
ریسکیو اداروں نے تینوں کو ہسپتال منتقل کیا جہاں ان کے کزن کومے میں چلے گئے اور ان کی حالت تشویشناک ہے جبکہ ان کے دوست کی حالت بھی نازک بتائی جا رہی ہے۔ سوشل میڈیا پر مداحوں نے افسوس کا اظہار کرتے ہوئے کہا کہ ابو مرضع اور ان کے دوست اپنی روزمرہ کی مزاحیہ ویڈیوز کے ذریعے لوگوں کو خوشی اور مسکراہٹ بکھیرتے تھے۔