کراچی (نیوز ڈیسک) شہر قائد میں کرکٹ کھیلتے ہوئے پیش آنے والا جھگڑا افسوسناک سانحے میں بدل گیا۔ یکم اگست کو ہونے والے اس جھگڑے میں عثمان اور عدنان نامی دو بھائیوں نے بیس سالہ نوجوان کرکٹر عبدالرزاق پر فائرنگ کر دی۔
پولیس کے مطابق جھگڑا کرکٹ کھیلنے کے دوران معمولی بات پر شروع ہوا، جو بڑھتے بڑھتے جان لیوا ثابت ہوا۔ فائرنگ کے نتیجے میں عبدالرزاق شدید زخمی ہوا اور اسے فوری طور پر نجی اسپتال منتقل کیا گیا، جہاں وہ کئی گھنٹے زندگی اور موت کی کشمکش میں مبتلا رہنے کے بعد آج دم توڑ گیا۔
پولیس نے مقدمہ درج کر کے قتل کی دفعات شامل کرنے کا فیصلہ کیا ہے، جبکہ واقعے کے بعد دونوں ملزمان فرار ہو گئے۔ پولیس کا کہنا ہے کہ ان کی گرفتاری کے لیے چھاپے مارے جا رہے ہیں۔