لاہور پولیس کو 15 پر ایک اطلاع موصول ہوئی کہ راوی روڈ کے قریب ایک بوری بند (لاش) پڑی ہے۔ اطلاع ملتے ہی پولیس موقع پر پہنچی اور لاش کو تحویل میں لے کر تحقیقات کا آغاز کیا۔ فرانزک رپورٹ سے معلوم ہوا کہ مقتولہ کا نام رخسانہ ہے، جو سبزی منڈی کے پچھلے علاقے میں رہائش پذیر تھی۔
پولیس جب رخسانہ کے گھر پہنچی تو وہاں تالا لگا ہوا پایا گیا۔ اہلِ محلہ سے معلوم ہوا کہ رخسانہ گھروں میں کام کرتی تھی اور اس کا شوہر اکثر اس پر شک کرتا تھا، دونوں کے درمیان جھگڑے معمول کی بات تھے۔ چند دنوں سے دونوں غائب تھے۔
تحقیقات کے دوران پولیس نے شوہر سرور سے رابطہ کرنے کی کوشش کی مگر اس کا نمبر مسلسل بند جا رہا تھا۔ شک یقین میں بدل گیا، پولیس نے چھاپے مارے اور بالآخر سرور کو گرفتار کرلیا۔
دورانِ تفتیش سرور نے اعترافِ جرم کرتے ہوئے بتایا کہ اس نے شک کی بنا پر اپنی بیوی رخسانہ کا گلا دبا کر قتل کیا اور لاش کو بوری میں بند کرکے راوی روڈ کے قریب پھینک دیا۔
یہ افسوسناک واقعہ 17 اگست 2025 کو پیش آیا — ایک اور گھریلو جھگڑا جو بے گناہ جان کے ضیاع پر ختم ہوا۔ ⚖️💔