لاہور(نیوز ڈیسک)رمضان نگہبان پیکج 2026 کے لیے 4 ارب روپے کا آپریشنل بجٹ طلب کرلیاگیا۔3.5 ارب روپے بی او پی کے ذریعے انتظامی و مالی امور پر خرچ ہوں گے،50 کروڑ روپے عوامی آگاہی مہم کے لیے جاری کرنے کی سفارش کی گئی ہے ۔
مستحق خاندانوں تک بروقت اور شفاف ریلیف پہنچانے کی تیاری مکمل کرلی گئی ہے،ڈیٹا مینجمنٹ اور جدید نظام کے ذریعے ترسیل کو یقینی بنایا جائے گا ۔
ذرائع کے مطابق بینک آف پنجاب رمضان نگہبان کے لیے اے ٹی ایم کارڈ بنائے گاجومستحقین تک پہنچائے جائیں گے ۔ پنجاب حکومت اس سال بھی رمضان پیکج پر تیس ارب روپے تقسیم کرے گی ،تحصیل سطح پر کیمپ لگا کر لوگوں کو رمضان نگہبان کارڈ دئیے جائیں گے۔