بھارتی شہر بنگلورو کے معروف فوڈ آؤٹ لیٹ ‘میگھنا فوڈز’ نے حال ہی میں ایک ایسا نوٹس لگایا جو سوشل میڈیا پر شدید تنقید کا سبب بنا۔
نوٹس میں لکھا تھا کہ، “ڈیلیوری رائیڈرز لفٹ استعمال نہ کریں، سیڑھیاں استعمال کریں۔”
یہ تصویر جیسے ہی ریڈٹ پر شیئر ہوئی صارفین میں بحث چھڑ گئی، اور کئی لوگوں نے نوٹس کو غیر منصفانہ قرار دیا۔
ایک صارف نے کہا، یہ وہ لوگ ہیں جو آپ کے کاروبار کو چلائے رکھتے ہیں، اور آپ ان پر پابندی لگا دیتے ہیں۔
شدید تنقید کے بعد ریسٹورنٹ نے انسٹاگرام پر ایک کھلا بیان جاری کیا۔
بیان میں کہا گیا، “ہم اپنے ڈیلیوری پارٹنرز سے دل کی گہرائیوں سے معذرت خواہ ہیں۔ یہ فیصلہ غلط تھا اور ہم مستقبل میں زیادہ ذمہ داری اور حساسیت کے ساتھ آگے بڑھیں گے۔”
ریسٹورنٹ نے واضح کیا کہ یہ نوٹس لگانا ان کی غلطی تھی اور انہوں نے شکریہ ادا کیا کہ ڈیلیوری رائیڈرز ہی ان کی سروس کی بنیاد ہیں۔
بیان کے آخر میں کہا گیا، “ہم امید کرتے ہیں کہ آپ ہمیں معاف کریں گے، اور ہم آپ کے تجربے کو بہتر بنانے کے لیے مسلسل کام کرتے رہیں گے۔”